एखाद्या मुलीला अकाली वैधव्य येणार असल्यास ते टाळण्याकरिता हा विधी करतात. विवाहाच्या आदल्या दिवशी मातीच्या कुंभात(भांड्यात) पाणी भरून त्यात सोन्याची विष्णूप्रतिमा टाकून ठेवतात. त्याला फुलांनी सुशोभित करतात. मुलीच्या भोवती दोऱ्यांची जाळी करून मुलीला लपटेतात. विष्णूचे पूजन करून नियोजित वराला दीर्घायुष्य प्राप्त व्हावे अशी प्रार्थना करतात. नंतर तो कुंभ एखाद्या नदीत फोडतात. नंतर मुलीच्या अंकावर पाणी शिंपडतात व ब्राह्मणांना भोजन घालून हा विधी पूर्ण करतात.

कुंडलीनुसार मंगळ दोष, ‘वैधव्य दोष‘ अथवा ‘विष योग‘ असेल तर कुंभा बरोबर विवाह केला जातो. तर्क असा आहे की जर पहिला विवाह कुंभा बरोबर झाल्यानंतर कुंडलीतील सप्तमस्थानाचे दोष राहत नाहीत. कुंभ विवाह दरम्यान, मुलीचा विवाह सर्व वैदिक विधींसह कुंभाशी (मातीच्या भांड्याशी) करतात.  कुंभेशी विवाह झाल्यानंतर मातीच्या भांड्याचे तुकडे करतात.