गणेश जयंती हा दिवस माघ महिन्यातील शुक्ल पक्षातील चतुर्थी तिथीला येतो. या दिवशी गणपतीचा जन्मोत्सव साजरा होतो. या दिवसाला तिलकुंद चतुर्थी असेही म्हटले जाते. माघ शुद्ध चतुर्थी या तिथीला गणेशाचे तत्त्व हे नेहमीच्या तुलनेत सहस्त्रपटीने कार्यरत असते, असे मानले जाते. भाद्रपद महीन्यातील चतुर्थी प्रमाणेच माघ महीन्यातील चतुर्थीला पण तेवढेच महत्त्व आहे. या गणेश जयंतीला विनायकी चतुर्थी असेही म्हटले जाते. या दिवशी गणपतीला तिळाच्या लाडूंचा नैवेद्य दाखविला जातो.

असे म्हटले जाते की जिथे गणपतीचा वास असतो तिथे रिद्धी, सिद्धी, शुभ आणि लाभ देखील राहतात. धार्मिक मान्यतेनुसार श्रीगणेशाची पूजा केल्याने सर्व बाधा आणि अडथळे दूर होतात. श्रीगणेशाची पूर्ण भक्ती आणि श्रद्धेने पूजा केल्यास जीवनातील संकटे दूर होतात.