गुरुचरित्र ग्रंथ सात दिवसांच्या सप्ताहातच किंवा तीन दिवसातच वाचून पूर्ण करावा असा नियम आहे गुरुचरित्र ग्रंथात पारायण म्हणजेच पठन करून पूजा केली जाते. ह्या ग्रंथाला पवित्र वेद समजतात, म्हणून या ग्रंथाचे पारायण कठोर नियमाने करावे. याचे नियम या ग्रंथातच दिलेले अहेत. हा ग्रंथ सात दिवसांच्या सप्ताहातच किंवा तीन दिवसातच पूर्ण करावा असा नियम आहे. 

श्री गुरुचरित्र सात दिवसांत वाचायचे असल्यास दर दिवशी वाचण्यासाठी असलेल्या ५३ अध्याय पोथीतील क्रम असा आहे. 

सप्ताह पद्धती: 

• १ ला दिवस :- १ ते ९ अध्याय  
• २ रा दिवस :- १० ते २१ अध्याय  
• ३ रा दिवस :- २२ ते २९ अध्याय  
• ४ था दिवस :- ३० ते ३५ अध्याय  
• ५ वा दिवस :- ३६ ते ३८ अध्याय  
• ६ वा दिवस :- ३९ ते ४३ अध्याय 
• ७ वा दिवस :- ४४ ते ५३ अध्याय

‍श्री गुरुचरित्र तीन दिवसात वाचायचे असेल तर पहिल्या दिवशी 24 पूर्ण, दुसर्‍या दिवशी 37 पूर्ण व तिसर्‍या दिवशी 53 पूर्ण असा क्रम ठेवावा. सर्वसाधरणपणे श्री गुरुचरित्र वाचनाचा प्रारंभ शनिवारी करुन शुक्रवारी समाप्ती करावी. कारण शुक्रवार हा श्रीपाद श्रीवल्लभ यांचा निजानंदगमनाचा दिवस असतो. अन्यथा भक्तीभावाने केव्हाही वाचाले तरी हरकत नसते. मुहूर्त, वार बघण्याची गरज नसते. मात्र पोथी वाचताना सोवळे जरुर पाळावेत.

गुरुचरित्र पारायण श्रद्धा वाढवण्यासाठी, मनोकामना पूर्ण करण्यासाठी आणि गुरूंचा आशीर्वाद प्राप्त करण्यासाठी केला जातो.